المريخ مكمن السحر * هو المريخ باقة من السحر وعشق سرمدي.. جذب حوله العشاق من كل حدب وصوب يتقاطرون أفواجا وزرافات امتزج فيهم المحسي بالدينكاوي وتعانق أدروب بوليد دارفور وتمثل هذا الامتزاج اللانهائي ليكون قبيلة الصفوه.. أكبر حزب رياضي فى السودان.. قبيله حمراء حتى النخاع لا يجاملون ولا يداهنون.. ويعتبرون التهاون في الانتماء للمريخ والتسامح في أمره خط أحمر. * المريخ الذي ضم بين جوانحه صفوة القوم.. كان يعرف بالمسالمة وتأسس فعليا عام 1908 هذا الحي الذي انفرد دون أحياء أمدرمان بمزايا لم يحظ أي حي بها كان يصعد إلى سنائها الأذان من مسجد علي أحمد فى شارع الشنقيطى ليعطر الأجواء. * جدير بهذا الوعى المبكر أن ينتج وعياً جماعياً يتحمل مسئولية شعب كامل لتبدأ الانطلاقة... اجتمع أبناء المسالمه بمنزل عبد السيد فرح وتحديدا يوم الاحد 6/11/1927وقاد عبد السيد ثورة عارمة لتغير اسم المسالمة ولكن (فتح الله بشارة) الرجل الثاني فى فريق المسالمة اعترض بشدة (وسافر الجنوب وجاء بعد سنتين وأسس الهلال فى عام 1930 مع آدم رجب) وضم الاجتماع عبادي، أحمد خليل عبد الملك يوسف فرح وإبراهيم أبوالريف * وفى تلك اللحظات التاريخية دخلت عليهم شقيقة عبد السيد (سيدة فرح) وقالت لهم: ما تسموه المريخ.. وسرى الاسم السحري بين الجميع. * يحفظ التاريخ لأبناء المسالمة أنهم حولوا فريق حي إلى أكبر ناد قومي تنصهر فى بوتقته الديانات والثقافات والأعراق فصار بحق مصهرا قوميا لتوحيد كل أهل السودان. ان سايد * مفتش مركز أمدرمان الإنجليزى (برمبل) كان معجبا بالمريخ لذلك لم يتردد فى تسجيله رسميا فى 14/11/1927 * وهو النادي الوحيد الذي يملك وثيقة تسجيل رسميه لازالت موجودة فى النادي حتى الآن. * أول رئيس لنادي المريخ هو الوجيه خالد عبدالله أكبر صائغ فى أمدرمان.. (نحن من زمان رؤسانا وجيهين) عمل فريق نار منقد هزم بيه الهلال فى اول مواجهة سنة 32 بهدفين زي السم من قدم أب زرد الزين الشفيع. * فريق المريخ عمل ذعر فى ميدان سوق العيش.. انت شوف التشكيله: القون محمد علي بخيت والد الوزير المايوي جعفر بخيت.. ظهير شمال فتحي الافندي (النفاثة) ظهير أيمن مصطفى جلال (ابوشلوخ) ثيرد باك حامد ابوعصا مساك أيمن محمد عثمان حامد مساك شمال احمد بابكر ارتكاز الفيل(كان فيل بحق وحقيقه نملة شجرابي ما بتمر) وطه الشفيع (اولاد الشفيع زي أولاد قاقارين) وسط مهاجم والخطير محمد عبدالسلام وعبيد الله محمد رأس حربة الزين الشفيع عليه رحمة الله. * فى برنامج (رمية تماس) الذي تقدمه الأستاذة فاطمة صادق سألت الحكم صلاح احمد محمد صالح عن سر ضربات الجزاء التى تحسب للهلال فنفى الاتهام جملة وتفصيلا.. * هل تصدق يا صلاح أن الحكم سليمان العتباني فى اول مواجهة بين المريخ والهلال1932 (المباراة أعلاه) قد احتسب ضربة جزاء للهلال لا وجود لها؟ * الهلال احرز منها هدفا لتصبح المباراة 2/1 لصالح المريخ. * والمباره تلفظ انفاسها الاخيره يحتسب الحكم وللمره الثانيه ضربة جزاء لا وجود لها. * يعني الهلال ده متعود على المنح والهبات دي من سنة 32 * أهم حاجة انو المريخ خرج فايز بهدفين لهدف.. * من عجائب المريخ أنه أول فريق يفوز بأول كأس فى أول بطوله تنافسيه في السودان وكان ذلك عام 1934. * وأهم من ذلك أي افتتاح لأي مؤسسة او استاد أو أي رئيس زائر المريخ على طول بلطش الزبون. * افتتاح استاد الخرطوم المريخ هزم الهلال بهدف طلب مدنى 1956 طااااااااااخ. * افتتاح استاد الموردة المريخ هزم الهلال بهدف خوجلي الصغير 1962 طاااااااااااااخ. * افتتاح اضاءة استاد الخرطوم ودي ثلاثة أهداف هدفين لماجد واحد لبرعي ويتيمة أبو الهل حبشي. * كأس الملك فيصل المريخ يهزم الهلال بقدم شبر فى عام 1966. * كأس ديوري هاماني هدفين من قدم الكاروشة جادالله 1968. * كأس نائب الرئيس العراقي طه معروف هدفين لجادالله وصلاح عباس 1974. * موسم 71/72 المريخ فاز بالدوري بدون هزيمة أو تعادل. * موسم 73/74 المريخ فاز بالدوري بدون هزيمة وتعادل واحد مع التحرير. * أما فى عام 1977 وفى مدينة جوبا فالجماعة لحقوا الزينين بهدف سامي باقي دقيقه وسامي بجيبا. * فى عهد الرئيس المحبوب الفرق بقى مائة سنة ضوئية * جمال الوالي 2009 ... حايهريكم. * قالوا الترجى رجف.. ومال ناس قريعتي راحت ديل حيعملوا شنو؟ * واللييييييييييييييييييييييييييييييييييلا!!

• أدوات :
• [أضف تعليق]
• [إرسال لصديق]
• [طباعة]
• [حفظ بإسم]
• [حفظ PDF]

يا صاحب عمود اوف سايد لمن تتذكر مبارة الهلال والمريخ سنة1932م يجب عليك ان تضع صورة الحقيقية وشكراً

حسن محجوب ... وسهرة ( من الأمس ) ..!!!

كتر خيرك يا أستاذ ، والله معلومات جامدة ، وعجبتني حاية إنو من زمام ناسنا وجيهين دي . ربنا يخلي الوالي ويفتح على إيدو

الاستاذ/ حسن تحياتى: نتوق الى قراءة عمودك ونحن فى الغربة لانك تتبع منهجية جاذبة فى الكتابة وربنا يخلى الوجيه جمال والزبون هلال

قالو التاجر لما يفلس يا ابو سبعة يفتش دفاترو القديمة ؟ عايش على امجاد قديمة مسكين والله / اليوم بطل السودان وصاحب الانجاز هو الهلال والنادى الاول فى السودان هو الهلال رايك شنو يا وصيف البطل تقدر تقول شئ هههههههههه المعلوم

وفى تلك اللحظات التاريخية دخلت عليهم شقيقة عبد السيد (سيدة فرح) وقالت لهم: ما تسموه المريخ.. وسرى الاسم السحري بين الجميع.فعلا تسميه امراءه والدليل كتاباتك الييييييييلا وطاااااااااااخ اسلوب قلنا وقالو وكانو .....ارتقى ويكفى مفرداتك لا اقول الشوارعيه فأظلمهم بس دون اى وصف من ادنى انواع الانحطاط

والله حالتك تحنن.....س س س س سادومبا

تممممممممممممممممممممممممممممممممام

الله يدك العافيه ياعمده ( ولا نملك غير الدعاء لي قائد المسيره بصحه والعافيه الي الرائع الملهم جمال الوالي مع خالص حبي وتقدري)

تم حذفلا التعليق لمخالفته لوائح النشر