أبو جريشة يشتط غضباً رداً على المدعو حسن محجوب! أولاً كنت أتمنى أن أجدك بالجريدة وعلمت أنك غادرت الجريدة قبل دقائق معدودة من قدومي مما شككني في أنك على علم بقدومي وزاد تأكدي عندما اتصل بك بعض زملائك بالجريدة ولم ترد عليهم ولكن لابد سنلتقي يوماً وجهاً لوجه وسيكون لكل مقام مقال. حول ما كتبته عني بأنني لعبت نصف ساعة بالمريخ.. فلماذا أنظّر في التسجيلات والتسجيلات؟ فقط للجنة التسجيلات؟ أولاً أحب أن أبلغك ـ إن كنت لا تعلم ـ بأنني عضو باللجنة الفنية للتسجيلات وعضو بلجنة التسجيلات العليا وعضو باللجنة المالية للتسجيلات. ثانياً حول أنني لعبت نصف ساعة.. أقول لك: إن كنت تجهل تاريخ المريخ فهذه مشكلتك الشخصية أما إذا كتبت هذه الأشياء وأُمليت عليك عن آخرين فهذه مشكلتي أنا أعرف أن أحلها جيداً.. أقول لك إن لبست أنا شعار المريخ لمدة 5 دقائق فقط فهذا شرف لم تنله أنت ولن تناله مستقبلاً. أما سؤالي المهم: ماهي الصفة التي سمحت لك بالكتابة عن التسجيلات وشطب حافظ وتجنيس حارس أجنبي وأنت لا تعلم وزن الكرة؟. أخيراً قالوا عنك كاتب هزلي وأنا لا أتعامل مع الهزليين، ولك أن تعلم أن هذه أول مرة أرد عليك كتابة وآخر مرة. عادل أبوجريشة لاعب المريخ العظيم سابقاً. (شرف لن تناله إلى أن تموت). عضو مجلس إدارة نادي المريخ. عضو لجنة الكرة. عضو لجنة التسجيلات العليا. عضو لجنة التسجيلات المالية. عضو اللجنة الفنية للتسجيلات. تعقيب * كتبت سطراً مداعباً عادل أبو جريشة فعلمت أنه جاء للصحيفة يشتط غضباً ويتأبط شراً وكتب الرد أعلاه!. * لك العتبى حتى ترضى. هترشات * ثلاثة من كبار لاعبي المريخ ينظر المريخ في أمر إعارتهم لذلك أرجاء التسجيلات حتى صباح الأربعاء لمزيد من التشاور. * بلة.. قلق.. الباشا.. هم أعمدة في تشكيلة المريخ ومجرد التفكير في إعارتهم يعتبر خوراً وتنكراً للمقدسات والموروثات المريخية. * البلاد التي يعتزم اللاعبون الهجرة لها اكتشفها السودانيون من زمان وقالوا عنها إنها (مضيعة زمن). * عروض خجولة لا تتناسب مع سمعة المريخ القارية. * لالوب بلادي ولا دينارات لا تغني ولا تسمن من جوع. * أنسوا الموضوع واتبعوا توجيهات المدرب في الإحلال والإبدال. * هم خمسة في المريخ ذهب اثنان منهم وتبقى ثلاثة عارفين أنفسهم وجاهزين للمغادرة. * صدقوا أن المريخ سوف يفاوض سادومبا فابتلعوا الطعم. * إن شاء الله شوكة الحوت لا تفوت لا تنهضم. * غاسيروكا قال فضلت المريخ على مازيمبي.. أنا أفتكر دا نعم التصرف وعين العقل.. حد يحلم بالسعادة يمشي يختار السهاد؟. * كثيرون مُنى أعينهم ارتداء الأحمر والأصفر.. بس عاملين تقيلين. * سمعنا تحت تحت أن المحترف النيجيري أمولادي سوف يحضر إلى الخرطوم لاستلام حافزه المودع من قبل الهلال لدى الاتحاد العام.. يدي الحلق للماعندوش أضان. * سعدت جداً بعودة صلاح الأمير لفريق الخرطوم وفريق الخرطوم في أشد الحاجة لجهود هذا اللاعب المتميز.. التحية للأمير.. محمد مرسال.. حجو.. محمد أيمن.. محمد عبد المنعم وكل كتيبة الكوماندوز الذين تعول عليهم فرقة الخرطوم في المشاركة الأفريقية. وتحية خاصة للماكوك النشط عز الدين الحاج سكرتير النادي. * الأرباب قال إن المعز باق بالهلال ونخطط لتفجير مفاجأة التسجيلات، هو الكلام بقروش؟. * المريخ أيضا يخطط لمفاجأة التسجيلات، الحشاش يملا شبكتو. * على لجنة الانضباط بعد مشاهدتها لمباراة القمة في كأس السودان أن تكون أمينة مع نفسها وتعطي كل ذي حق حقه. * في برنامج الرياضة التلفزيوني أعيدت اللقطة إياها أكثر من عشر مرات.. * نعشق المريخ الكيان، وليست لدينا أية مصلحة مع تنظيم أو فئة، ولا أحد يملي علينا ما نكتبه.. * أكتب لأستمتع أنا في الأول.. قبل القراء. * وبعدين يا أبو جريشة أنت ناسي أنو أنا عندي غضروف.. كمان جايب معاك ولدك (بونيتو ليها صوت.. زي بونية الأفلام الهندية). * فسخ يفسخ فسخاً فهو مفسوخ.. * والكاش يقلل النقاش. * كان يا والي سجلتو ولا ما سجلتو كفاية الأرق والجهجهة العاشوها اليومين ديل.. ونسوا سادومبا وكابوندي. * قالت يا ولدي لا تحزن.. فمصيرك مفسوخ مفسوخ يا ولدي. * قلت لي المعز عاوز شنو؟......... العز وأكل الوز. * هو في عز أكثر من التوشح بنجمة السعد وفخر البلد؟. * نحن فوق (عزنا) والمعز ما....... تموها براكم. * يا (عزنا) ويا حبنا.. ويا حارس بتعرف قدرنا ونسمة طافت حولنا. يا عديلة لمت شملنا والرقيص من حولنا.. * يا حارسنا وفارسنا.. جيتنا وفيك ملامحنا. * والليييييييييييييييييلا باقي 24 ساعة بس.

• أدوات :
• [أضف تعليق]
• [إرسال لصديق]
• [طباعة]
• [حفظ بإسم]
• [حفظ PDF]

صدق أبو جريشة في كل ما قاله عنك انت وامثالك هم اللحقو المريخ امات طه واليييييييييييييييييييييلا أبو جريشة اتشبك فيك أعمل حسابك

الحق احجز في مستشفى خمسة نجوم
قريب ح نسمع بى بنية ابو جريشة
قال دعابة قال
حقك راح
واللييييييييييييييييييييييييييييييييييييلا

نشــرك والبدء بما كتبــه أبوجريشــة لك من تهديد ووعيــد .. وعدم الدخول معه في مهاترات .. دليل وعيك .. وسمو قــدرك .. أيها المحجوب ... ... أنا هلالابي وعلى السكين ولكن أحب أن أبدأ يومي بعمودك وأستمتع بمناكفاتك الرياضيــة ... وأبوجريشــة الذي أتاك مهرولا ... وكتب وعيـده وتهديده ومنحك الإنذار الآول والأخيـر بالقصاص منك في حالة التكرار . قد وضح للجميع وأبــان مدى ضيق الأفق لديــه وعدم تحليــه بروح المؤسـسـة التي يدعي الإنتمــاء إليهــا ألا وهي الرياضـة .... إشــطاط غضبــا عن تعليق صحفي ينتمي لناديــه فماذا هو فاعــل إذا كان المقال من صحفي ينتمي الى نادي منافس أو أي نادي آخــر ؟ .. ( الدفن بعد صلاة العصر) .. أعانكم الله على أبوجريشــة وأمثــاله ... وخيرا فعلت ياود محجوب أبعد عن الشـــر ولا تغني ليهو ...... ولزيادة الحرص سوق معاك حرس ...... ولك ودي

والله كلامك يا حسن بسبوسة كلام جرسة عديييييييييييييييييييييييييييييل اختصر الموضوع وقول الروب وكفى...... ابوجريشة كمان لعب......؟ دى الرشاقة القتلت اشراقة........... لكن والله كتاباتك ظريفة جدا عليك الله واحدة تانية لابوجريش وزن الريشة....

قال المعز قال ( حلم الجعان عيش) المعز مبسوط ويتبادل فى الكاسات يمين وشمال
مالو ومال الطياشة والوصافة والله يا ابو على تسو شنو ماعارفين الله يعينكم ياخوى
خد حبتين عشان تخفف عليك الحمى اصلو الهدربة كترت والهلوسه الله يعافيكم

تعرف ياكبتن ابو قريشة الزول ده من يوم الاثنين وشغلو كلو بقى اشتر يتكلم ساكت وحرارتو زائده ( اصلو قالو فى المثل خبطتين فى الراس تهوس / تجنن/ ترفع الحمى / توصف/ معليش يا ابوعلى نسأل الله لك الشفاء خد المعلوم وارقد نوم
ههههههههههههههههههاى

تسوى فى عمايلك دى لحدى ما يوم اجيك شلوت طائر او بونية كدا على خفيف ونسمع بيك فى المستشفى مالك ومال البلاوى الناس ديل الايام دى سمها فائر ابعد روحك ما تتحشر ساكت / خد المعلوم وارقد نوم

يا حسن محجوب : نصيحة لوجه الله .. ما تلعب مع الكبار .. الناس ديل بعوقوك ..
وخليك مع ناس أبراهيم عوض أحسن ليك .. الحبة ما بجيك ..
عادل أبو جريشة :
لاعب المريخ العظيم سابقا
عضو مجلس إدارة نادى المريخ
عضو لجنة الكرة
عضو لجنة التسجيلات العليا
عضو لجنة التسجيلات المالية
عضو اللجنة الفنية للتسجيلات

ما قلنا ليك الناس ديل إنت ما قدرهم .. أبيت تسمع الكلام .. أها أرجا الراجيك ..
والليييييييييييييييلا ....

حسن محجوب عارفنو .. لكن ( المدعو ) دا منو يا أبو جريشة ..

بعدين يا ابوجريشة استعراض العضلات ده مع حسن غضروف ليه حسونى ده كان فقدناه منو البرقص لينا رقصة الكروش ويهري لينا الصفيراب حسن ده بسبوسة المريخ هو وكرومى مابنقدر نضحى بيهم عضلاتك دى ورينا قوتها مع الحكام000 وناس مجدى اعارات وشداد ايميلات00000000 قلت ليَ لعب عشرين دقيقة والكورة كانت ودية واحرز هدف عكسى فى المريخ واخد فيها كرت احمر فى اخر دقيقة لكن مابالغت ياحسون وليه التفاصيل المملة دى كلها طالماالكورة ودية والله بينى وبينك ليهو حق يهددك 000000 واللييييييييييييييييييييييييييييييييلا000000 الكاملين نفر0000

فعلا الحشاش يملا شبكتو ودائما الارباب شبكتو مليانه وخلى قروشكم تبعدكم من الوصافه وطيش افريقيا . وانت اركز من الجايك من ابوجريشه اصلو بنيتو يتفرتق المريخ كلو مش حسن محجوب .وبعدين عادى جدا ابوجريشه يتابط بك شرا مش هو واحد من جمهور المريخ

الصحفي اللامع.. خيف العباره..الاستاذ حسن محجوب ادام الله عليك نعمة الصحه ووقاك شر البلايا..مع كوني هلالبي ع السكين تجدني احرص ما اكون علي قراءة عمودك الراتب فلك منا كل الشكر عليه..
ما بدر عن السيد ابوجريشه امر عجيب لايتصور من مشجع مستنير نا هيك عن قيادي في فريق بحجم المريخ!! ردة فعلك اتسمت بالتسامي والترفع مع توجيه اشارات يلتقطهااللبيب ....
اقول للسبد ابو جريشه ان حسن ليس لاعب لينال شرف اللعب في المريخ وهو شرف له ان كان لاعب وهو ليس كذلك..اما اللاعب واكرر اللاعب الذي يلعب في المريخ نصف ساعه فهذا يعني انه.. لا لاعب ولا حاجه واحسن يسكت عليها...ا
لاستاذ حسن لاعب علي ورق الصحف وهو لامع ومتمكن للغايه وتاريخه يشهد له . ولم يكتب نصف ساعه فقط......

طيب استمتع بكتاباتك فى اجنده خاصه بك

مزمز سادومبا
يا مزمز رايك شنو في قانونية سادومبا
وجعت راسنا سادومبا قانوني ولا ما قانوني
كل موسم تسجيلات تثير اشاعات فارغة
اعمدتك محفوظة ارجع تحقق من تنباءاتك للمريخ بالبطولات والتسجيلات
كلها كلام جريد وكذب ونفاق
انت سنة واحدة قييم نفسك وكلامك شوف لو بكرة كتبة تاني لكن عدم الصدق مع النفس
والطبع يغلب التتطبع

حلم الوصيف معز

ياهلالاب مالكم ومال أبو جريشة وحسن محجوب؟ماتشوفوا حال فريقكم الصايم 80 سنة بدون كرتونة خارجية؟