06-18-2013 08:46 AM
رحيق الختام

قوات حفظ السلام الهلالية
أشاد كثير من أبناء الهلال الميامين بالمملكة بفكرة أن يقوم هلال العشق الجميل بجولة ولائية فى ربوع السودان المختلفة ويلعب مباريات ودية مع فرق هذه الولايات ... خاصة وأن الدورة الثانية للممتاز لم يحدد لها إتحاد الهرجلة والبرجلة توقيت محدد ربما تكون بعد شهرين أو أقل او أكتر !! والعشوائية أصبحت طابع إتحادنا العام ، وإنسان السودان فى ولاياتنا الحبيبة متعطش لرؤية نجوم الهلال على الطبيعة ، تخيلوا هوبة من الغزال فى أطراف نيالا أو أى منطقة ملتهبة من مناطق النيل الأزرق!! ألا تساوى هذه الهوبة مطافئ للحريق المشتعل فى بعض مناطق الوطن العزيز تقوم بها قوات حفظ السلام الهلالية !! نتمنى من دائرة الكرة بقيادة إبن الهلال محمود السادة الذى تولى القيادة بعد المعلم الكبيرأن يطرح الأمر للإدارة ... عايزين سينالى يشوف جبل مرة ومعه أخوان كاريكا ، وتأكدوا وقتها يا البرير ممكن الجيران يقلدونا فى زيارة الولايات لأن الهلال هو الرائد والقائد ، الصفوة مبسوطة من أزمة سيدى بيه وأصبحوا يتحدثوا عن دفع مبلغ 350 ألف دولار للملعب المالى !! وماعلموا أن الماليين رضوا بمبلغ 200 ألف دولار ورفضها الهلال ونزلوا لمبلغ 100 ألف ورفض سيد البلد وأخيراً نزلوا لمبلغ 50 الف دولار وسمعنا تحت تحت البرير قال ليهم ( إن عجبكم عشرة ألف دولار بس !! ) وإحتمال نزيدهم شوية حسب سير المفاوضات أو نمشى الفيفا لأن الحق معنا حسب إعتراف الإتحاد المالى .
*** عبدالمنعم عبدالعال عود صندل يعطر فأس قاطعيه
عرفنا الهرم الرياضى الأستاذ عبدالمنعم عبدالعال عن قرب فى الفترة 1999 حتى عام 2003 فى رابطة الصالحية بالرياض عندما كنا فى إدارة فريق المتمة الذى كان يرأسه الأستاذ صلاح إبراهيم حاج محمد ود الناظر ... وكان الأستاذ عبدالمنعم يمثل سفارة شعبية بخبرة رياضية وجمع كل ألوان الطيف السودانى تحت قبة رابطة الروائع بالصالحية ، والأستاذ عبدالمنعم إرتبط إسمه بالنجاح والتوفيق فى مجال الرياضة وغيرها ... وخير دليل أنه عمل بقسم الحوالات ( تيلى مونى ) فإرتفعت الحوالات الشهرية من ستة ألف إلى ستين ألف وعندما رجع للسودان تولى رئاسة بنك الجزيرة الأردنى فرع مدنى فأصبح الفرع رقم واحد ... ونزل الأستاذ عبدالمنعم فى إنتخابات إتحاد مدنى وهو يقود مجموعة العودة للريادة وكانت المفاجأة هى خسارته الإنتخابات وفوز شاب إسمه طارق سيد أحمد أبنعوف !! وكان العشم أن يكون الهرم الرياضى هو رئيس الإتحاد العام بالخرطوم إن لم يكن وزير الرياضة الإتحادى ... ولكن إتحاد أبناء العمومة أراد أن يخسر السودان تاريخ رياضى وقيم رياضية ... وإتحادنا الأحمر لايعرف الوفاء لأهل العطاء !! فهو مثل أنثى العنكبوت التى تأكل زوجها ليلة زفافها ... ولكن الكبير كبير والأستاذ عبدالمنعم مثل عود الصندل يعطر فأس قاطعيه ... فقد قام بتهنئة خصومه !! ولله در القائل *** وإن زجروا طيراً بنحس تمر بى ... زجرت طيراً تمر بهم سعدا *** ولا أحمل الحقد القديم عليهم ... وليس رئيس القوم من يحمل الحقدا... بالمناسبة الأستاذ عبدالمنعم عبد العال حميدة من أبناء الهلال الملايين !! لذا لزم التنويه .
*** عود لينا ياليل الفرح
الأستاذ محمد عبدالماجد الصحفى اللطيف صاحب القلم الظريف توقف عموده المقروء ( وإن طال السفر ) بصحيفة قوون بعد وفاة والدته العزيزة ونقول لأستاذنا يجب ألا تحبس نفسك فى سجن الأحزان !! وعود لينا ياليل الفرح ...وداوى القليب الإنجرح ... لأن فى الكتابة راحة لك وللقراء الكرام ، ولقد منحك الله خاصية القبول عند الناس والدخول للقلوب بلا إستئذان ... ولديك بعض العبارات إستقرت فى قاع النفوس مثل عبارة ( إحنا كل حاجة عندنا بى نظام ) وعبارة ( الكلام ده برة العمود ده ) والأستاذ محمد لطيف حتى وهو يناكف الإخوة المريخاب ... وأذكر أن الأخ جلال صالح من المدينة يتصل بى صباحاً وهو يقول لى محمد عبدالماجد قال نجيلة أستاد المريخ زى صلعة أحمد بدير والأخ أحمد عبدالرحمن يتصل بى من الطائف ويردد محمد عبدالماجد قال ... مجلس اللوردات ده عكسية واحدة من بلة جابر تفرتقوا كلو !! فالرجاء أخى محمد أرجع لمعانقة أحبابك وأنظر لنفسك فى مرآة الآخرين !! فأنت كأنما عناك دكتور معز عمر بخيت عندما قال *** ياغنوة فى وترى الحزين .. ياضحكة فى الزمن الصعب *** ياواحة فى عز الهجير ... ياراحة من بعد التعب *** يانسمة هبت فى الدغيش ... عزفت على وتر العصب *** يارحمة من رب العباد ... مكبوبة فوق خلق الله كب.
*** همسة الوداع
من إيجابيات وجود محمد سيد أحمد أنه ذكر الناس بمقولة هذا زمانك يامهازل فأمرحى ...طبعاً العنقالى ود سيد أحمد الناس كلها مستاءة من طلعته غير البهية عبر الشاشة البلورية ، وعايزين نعمل ليه إمتحان ليختار الإجابة الصحيحة رغم أننا ماعارفنو قرأ لى وين !! ونهمس فى أذنه بالسؤال التالى ... ليه إتحادكم لم يساند الأستاذ عبدالمنعم عبدالعال 1/ لأنه هرم رياضى معروف 2/ لأنه يؤمن بأهلية وديمقراطية الحركة الرياضية 3/ لأنه من أنصار البروف شداد 4/ هل كل ماذكر صحيح !! مجرد سؤال .


تعليقات 7 | إهداء 0 | زيارات 628






خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook

شروط التعليق

* يسمح بالتعليق لأي شخص كان شرط الجدية في الطرح

* عدم التطرق الى السب والشتائم في التعليقات لأنها ستحذف فورياً

* يجب أن لا تتعدى المشاركة حدود 500 حرف.

* يجب أن الإلتزام بالمادة المنشورة والمختار التعليق عليها تحديداً

* يهمل كل تعليق يتضمن شتائم أو تعابير خارجة عن اللياقة والأدب.

* يهمل كل تعليق يقدح بشخصيات بعينها أو هيئات.

* تهمل التعليقات المتسمة بروح الطائفية والعنصرية أو التي تمس بالذات الإلهية أو تمس المعتقدات الدينية.

* تهمل التعليقات التحريضية والتعليقات التي تتضمن تهديدات لشخص او لجهة معينة.

* تهمل التعليقات التي تتضمن ترويجا لجهات أو هيئات أو لأشخاص بعينهم.

* تهمل التعليقات التي تتعرض للكاتب وشخصه في مقالات الرأي أو التحليلات أو تقارير المراسلين.

* تهمل التعليق المتضمن ملاحظات حول إدارة التعليقات أو ملاحظات أخرى عن الموقع بعيدة عن الموضوع المختار للتعليق عليه، حيث أن مثل هذه الأمور لها بريدها الخاص

* •الموقع عربي فيرجى المشاركة فيه باللغة العربية



127866 - جعفر صالحين
06-18-2013 08:55 AM
يا اخونا الجعلى .. بدل السخرية التى توجهها يوميا للسيد محمد سيد احمد .. اذا كنتوا شاورتوه فى موضع ( سيدنا البيه ) كان لقى ليكم الحل وخارجكم من الوضع السيىء الذى وضع الهلال نفسه فيه بجهل ادارته وبوباره الفاضى .. وشنو الحاصل ؟ ما قلتوا عقدكم سليم وليكم الحق فى اللاعب .. سمغنا تحت تحت انكم عايزين تدفعوا تانى للملعب المالى ال 350 الف دولار ... ده غير مشروع التسمين اللى عملتوه ستة شهور لسيدنا البيه ... تانى تتكلم ؟؟؟

[جعفر صالحين]

ردود على جعفر صالحين
Saudi Arabia [كماشة] 06-18-2013 01:45 PM
معليش لو عندنا شحنة بصل ماشة الغرب بنشاور التربالي دا. هو راسو دا فيهو شنو غير العمة المجبصة دي.

United Arab Emirates [كتاااااااااحة] 06-18-2013 05:24 PM
يا ابو الجعافر انتوا شاورتوه في البيه بتاعكم وبعدين انتم دفعتوا 200 الف للاهلي القاهري على الاقل ادونا حبة نحن اولى من الغريب وبالنسبة لمشروع التسمين المزارع بتختلف فى مزرعة فيها واحد وفى مزرعة فيها 23 .. فرق .. خلوا عندكم ذوق وشوفوا لينا طوالى ان شاء الله قدر قروش الاهلى القاهري وجزاكم الله الف خير


127872 - ابن الوهاج
06-18-2013 09:09 AM
مبروووووووووووووووووووووووك للتحول الكبير لقوات حفظ سلام ولائية .. أصلكم في العاصمة الله أعلم تعمروا ليكم شئ خاصة بعد توهج الوهاج المتوقع كما أن جميع الفرق دعمت صفوفا تماما" لأخذ النقاط منكم في الدورة الثانية . تحية للأخ عبد المنعم عبد العال بس أنا ملاحظ حاجة انك (طوالي) تحول الشخص لي جانبكم انت متأكد انه الراجل دا هلالابي؟ الله يجازي محنك يا الجعلي تهلهل الما بتهلهل.. بعدين يا أخي ما تترك سيرة محمد سيد احمد دي شوية .. اكتب عن الحضري و البرنس و سيدي بيه و خلي رجالات الإتحاد شوية.. تحية لي سعد المليك عبد الله بلل و السنجك و فيصل الأقرع و أبو ضراع و بقية العقد الفريد ..

[ابن الوهاج]

ردود على ابن الوهاج
United Arab Emirates [كتاااااااااحة] 06-18-2013 05:31 PM
عملت ليك عقد فريد يالجعلى !! الحمد لله عندك اخونا (كماشة ) رد على جعفر صالحين نخليه يعمل ليهم كماشة عشان تقدر تنوم كويس وانا بساعده .. ما شاء الله مفالك بقى ديوانية والمصيبة الخيمة حمراء .. لا لا لا كدا ما ينفعش يا جعلى


127877 - عبد الله بلل القرياتي
06-18-2013 09:26 AM
تحياتي .. لك ياجعلى .. المتمة .. أأأأي أحسن .. تحول فريق .. الهلال من فريق .. كورة إلى .. قوات حفظ سلام .. يعنى أنت عارف .. اليومين ديل البلد .. محتاجة لقوات .. درع تحميها .. من هجمات المتمردين .. ومكان هلالك أظنك .. اخترت المكان المناسب .. وهو جنوب النيل .. الأزرق أسم على .. مسمى لان هوبة .. الغزال سمحة لما يكون .. ماسك كلاش .. ويستخدم الساتر .. وحمد على السلامه .. أمس شايف الجماعة .. قلبوك قليب السنسنه .. فوق الصاج .. وأذا أنت أصلاً .. متعلق بأغنيات .. الفنان الطيب عبد الله .. أقلب مريخابى .. ولك الأمان يأبو كلفتة .. حمراء تسر الناظرين .. وتحياتي لكلاً من : أبن الوهاج . وسعد المليك . واحمد الطائف . وجعفر صالحين .. والسنجك . وكتاحة . ويأبو ضراع والمكحل بالشطة أظهروا ولكم الأمان ..

[عبد الله بلل القرياتي]

ردود على عبد الله بلل القرياتي
Saudi Arabia [مختاار] 06-18-2013 11:50 AM
احسن حاجه في تعليقاتك انو بروازها باللون الاحمر لك التحيه

United Arab Emirates [كتاااااااااحة] 06-18-2013 05:26 PM
انت يالقرياتي مختار ده عندو عمي الوان .. لون البرواز احمر ؟؟ لو سمحت تاكد وكلمني

Saudi Arabia [علي السيد] 06-18-2013 06:08 PM
برواز احمر لكن من جواهو حب للازرق ما قلنا انك ما اصلي زول بكتب لتكبير الاكوام تحياتي رغم كل شي


127885 - محمد عمر
06-18-2013 09:47 AM
رحم الله والدة الصحفى الجميل خفيف الدم الأستاذ محمد عبدالماجد ونسأل الله أن يدخلها الجنة شايفك ياجعلى عملت إمتحان بالجاكومى أنا خوفى يرسب فى الأمتحانكما رسب فى إمتحان القومية والوطنية فى الإتحاد العام

[محمد عمر]

127959 - الامين عبد القادر
06-18-2013 05:30 PM
التحية والسلام اخوى الجعلى كم تمنينا ان يكون الهرم الرياضى عبدالمنعم عبدالعال على راس اتحاد وادمدنى بل وعلى راس الاتحاد العام لان الرجل هرم رياضى الكل ينادى بوجودة الا اتحاد السجم العام لانهم يخافون على كراسيهم ممكن يحدث لنا ماحدث فى مباراة زامبيا وهذا الهرم موجود ؟ وعملوا كل مافى وسعهم حتى يتم ابعادة واتوا بالسوالب امثالهم ويستطيعوا ان يتحكموا فيهم والسمع والطاعة ياسيدى وسؤالك فى همسة الوداع نجيبك علية نحن نيابة عن الجاكومى وكل ماذكر صحيح بدون شك وضف له خامس لانكم تلاميذه ؟ هذا العمل تكليف وليس تشريف ولكن عند اخوتنا تشريف فى تشريف لهذا ابعد الهرم الرياضى الذى تعتز به وادمدنى ولم يسب احد بعكس ما استلموا الكراسى السنتهم سبقت مقاعدهم وربنا يهدينا ويهديهم --اما بخصوص سيدى بيه لابد ان يتحمل اللاعب اى فلس يدفع للملعب المالى وبعد كتابة ذلك فى العقد معة لعدم صدقة او تنصل نادية السابق له او اتفاقه معهم وفى كل الحالات ندفع ونخصم من رواتب اللاعب والا الفيفا هوالفيصل ودمتم للوطن والهلال

[الامين عبد القادر]

127983 - حاتم الدابي
06-18-2013 09:21 PM
يا الجعلي قالوا الزاد كان ماكفي أهل الدار يحرم علي الجيران يا زول حفظ سلام شنو وبي منو ؟ انتو جبهتكم الداخلية كلها تناحر والله العظيم ما شفت عداء قدر الذي يحدث في ناديكم الجمهور منقسم إعلام منقسم اللاعبين منقسمون الإداريين حدث ولا حرج وتقولي تحفظوا السلام يا زول أنت عارف أخر تمرين للهلال كان بحضور الجمهور كان متين ؟ مذكرو عليك الله أولاً جمعوا شتات ناديكم و ساو الخلافات التي بين ناسكم ثم فكروا في باقي الولايات ..

[حاتم الدابي]

128631 - البابا
06-24-2013 10:33 AM
لقد كفيت ووفيت ياالجعلي الأصيل وأعطيت عبد المنعم عبدالعال حقه وعقبال مانتعوض بفوز بعودة شداد .....اتحاد المؤتمر الوطني لايجمل طلته كون الجاكومي اتحادي ...فالحكاية صبحت جبانه هايصة والمصالح هي سيدة المواقف ..... وسلام عليكم جيل الأنقياء الاوفياء من امثال شداد وعبدالمنعم وأبوحراز

[البابا]

محمد عثمان الجعلي

محمد عثمان الجعلي

تابعنا على الفيس بوك