*صابنها*
*محمد عبدالماجد*
*جني وجن (العريس) البيجي قبل (الفنان) للحفلة!!*
· جني وجن (اللخبطة) البتحصل قبل (الحدث).
· اشرح ليكم الموضوع.
· انتوا لو بتصبروا – ما في حاجة بتفوتكم.
· جني وجن (البارد) البيجيبوه في المناسبات قبل (العشاء).
· طبعا في الحتة دي في حاجة بتغيظ – وقت يجيبوا ليك (البارد) في زول بتبرع ليك ويقول ليك يا زول خلي (البارد) معاك – اضمن (البارد) اولا – (العشاء) ماشي عليك.
· تقوم تمسك (البارد) – ناس المناسبة يفتكروا (غلط)....يفتكروا انك (اتعشيت) – لأن (البارد) من الطبيعي ان يكون بعد العشاء.
· عشان كدا اوعك تتمقلب وتستلم (البارد) قبل (كوكتيل) العشاء.
· الخبرة دي مهمة في أي حاجة.
· بالمناسبة الكلام البقول ليكم فيه دا – عندو علاقة بالتسجيلات.
· لكن بجيب ليكم الكلام من فوق لي فوق.
· عشان ما اغلط.
· واقع في الكلام.
· افهموها براكم.
· جني وجن (العروس والعريس) البيصلوا للصالة قبل (الفنان).
· الاستعجال في الحتة دي ما كويس.
· أي حاجة لازم تكون بي نظام.
· واي شيء تأخد راحتها ووضعها.
· عاجبني البعملوا فيه ناس الهلال الآن.
· بعد ما قنعنا من (التخطيط) ، وفترنا من (التخبط) – الله قسم لينا (لجنة تطبيع ) شغالة في كل الاتجاهات بي نظام وتخطيط ودراسة.
· الناس ديل حسموا امر المحترف الزمبابوي (جيسي لاست) من بدري ...جابوه وعملوا ليه الكشف الطبي واتفقوا معاه ووقعوا معه عقد.
· صلاح نمر لمن شاف جيسي لاست بقى يشكي من (الركبة).
· يل صلاح نمر الكلام دا بدري عليه.
· الله يسألني زمان روحنا لمن تطلع عشان الهلال يوقع ليه مع لاعب.
· الكلام دا ما في عهد الكاردينال براهو.
· الكلام دا في عهد صلاح ادريس برضو.
· زمن صلاح ادريس اللاعب المحترف لو وصل ...تقعد تنتظر (كرتو) و (21) يوم.
· ومرات يصل الوكيل وما يصل اللاعب.
· ومرات يصل اللاعب وما يصل الوكيل.
· ومرات يصلوا اللاعب والوكيل والكرت ما يصل.
· ومرات يصل (العفش) وتقعد السنة كلها في انتظار اللاعب.
· الطيارة فاتتو.
· وجوازو انتهى.
· غايتو صلاح ادريس في الحتة دي اتحاسب بينا جنس محاسبة.
· اصلو ما بنسى الهلال وقت سجل (سادومبا).
· صلاح ادريس ادانا السهر.
· بتذكر كنا في الاستاد بنحضر في مباراة للهلال – بين الشوطين اعلنوا لينا من داخل الاستاد عن وصول (كرت) سادومبا.
· والله الاستاد دا كلو قام.
· الكشافات قعد تضحك براها.
· والله كانت ايام.
· وبتذكر يوم سجل الهلال اللاعب (الفلتة) صالح عبدالله.
· الارباب قلب الهوبة في الحتة دي – جابوا لينا صالح عبدالله (نص الليل) في مباني الاتحاد في شارع البلدية.
· الوقت داك – الناس كلها كانت في شارع البلدية.
· صلاح ادريس سجل صاح – لكن برضو كان بيحرق (اعصابنا).
· افياني النيجيري جابوه لينا في (ضلمة) – مسابقين بيه الزمن – اتسجل في اخر لحظة في التسجيلات.
· في فترة الكاردينال شفنا السهر الجد.
· اعصابنا ما فضل فيها شيء.
· تتخيلوا عبدالرؤوف دا اتسجل في التسجيلات الماضية في اخر (40) ثانية – لمن مزمل ابوالقاسم طلع وقال عبدالرؤوف اتسجل بعد الزمن ما انتهى.
· مزمل ابوالقاسم كأنو ما عارف (السيستم) بقى يقفل تلقائيا وقت الزمن ينتهي.
· الكاردينال اتحاسب بينا في (التسجيلات).
· اللاعب لو ما سل روحك ما بسجلو ليك.
· جنس (جرجرة).
· و(تلتلة).
· والله نحن لو ما كان عندنا (صبر) – ما كنا ذاتو قعدنا لغاية الآن.
· كان شفنا لينا بلد.
· الكاردينال كان بنتظر اخر يوم في التسجيلات عشان يكلفت (العملية) ويسجل من طرف ، وما في زول يقول ليه شيء.
· في عهد الكاردينال جونا كترة (محترفين).
· شيء بالكوتة.
· وشيء بالرصة.
· وكلهم ما شفنا ليهم شيء.
· لكن زي ما ذكرنا (اشرقات) لا تنسى لصلاح ادريس في التسجيلات – برضو كانت في اشراقات جميلة للكاردينال في التسجيلات.
· يعني موضوع (شيبوب) وتسجيله في الهلال الكاردينال قلب فيه الهوبة.
· تسجيل جمال سالم في الهلال كان ضربة معلم من الكاردينال.
· تسجيل (فارس) خطط ليه الكاردينال بمعلمة كدا.
· الحاجات الكويسة ما بننساها.
· سوف تظل وتبقى.
· هسع لجنة تطبيع الهلال شغالة صاح – ان شاءالله تكتمل الخطوات وتنجح بالصورة التى ينتظرها الاهلة.
· الجماعة ديل حسموا موضوع جيسي لاست من بدري – والله انا حسب رؤيتي لهذا اللاعب ما عارف ذاتو كيف فرطت الاندية الافريقية الكبيرة في هذا اللاعب.
· الناس ديل ما بشوفوا.
· غايتو اللاعب الذي شاهدناه امام الهلال عندما لعب الازرق امام بلاتنيوم لاعب ممكن يلعب في اوروبا.
· والله أنا لغاية الآن ما مصدق.
· وبقول يمكن دا (شبه) ساكت.
· الحمدلله العميلة تمت بنجاح كبير.
· موضوع المدرب الصربي البرتغالي مجلس الهلال حسمه بصورة ادهشت (المغاربة) ذاتهم.
· المغاربة في رقبتهم قعدوا يتلفتوا.
· ما فهموا أي حاجة.
· من بدري بدري.
· مجلس الهلال يخطط الآن للكثير – اذا حسم الهلال موضوع رزاق سيسيه لاعب الزمالك يكون عمل حاجة ما في زول سبقه عليها.
· سيسيه دي حكاية كمان.
· والله الزول دا يجي الهلال - موسم والتاني تشوفوه في برشلونة.
· ما تقعدوا تستغربوا.
· انتوا ما شفتوا (اوتارا) كان على بعد خطوة من برشلونة.
· التسجيلات (المحلية) نتمنى ان ينجح فيها المجلس.
· لا نريد ان نتحدث عن اسماء – لأن كل الاسماء المطروحة والتى يرغب الهلال في تسجيلها ما فيها كلام.
· ركزوا لينا على (المواهب).
· وعلى الاولاد الصغار في السن.
· هناك اسماء اعلن عن رغبة الهلال في التعاقد معها.
· من هذه الاسماء لاعب هلال الابيض احمد ابراهيم (وضاح) وهو لاعب صغير السن (21) سنة واطول مدافع في الدوري.
· مثل هذا اللاعب يحتاج له الهلال بشدة.
· الطول سمح.
· الطول هيبة ومطلوب في المدافع.
· وضاح لاعب (منتخب).
· كذلك اتمنى ان يتعاقد الهلال مع مدافع الامل احمد موسي (تمبش) وهو مدافع بيلعب بعقله ...ويمتلك لمهارات صانع الالعاب ما عندو.
· تمبش ووضاح في دفاع الهلال سوف يشكلوا (خلطة) عجيبة بين القوة والمهارة ...والطول والجسارة.
· لاعب هلال الساحل (ارنق) كل من شاهده قال ان الهلال على موعد مع مدافع سوف يلعب في الدوريات الاوربية.
· غايتو السنة دي نحن بنكتل لينا زول.
· طبعا بشكل خاص اتمني والي الدين خضر (بوجبا) وياسر مزمل في الهلال وان شاءالله صلاح ارريس ومجلس ادارة (النمور) ما يقفوا عقبة امام الهلال في الحصول على بوجبا ومزمل.
· هناك لاعب اخر اتمنى ان يسعى الهلال اليه بشكل اكثر جدية وهو لاعب الخرطوم الوطني عزام عادل (ود البيه).
· الهلال فيه نقص في (القدم الشمال)...ود البيه لاعب صغير في السن ومستقبل مشرق للهلال الآن ولاحقا.
· مثل هذه الموهبة التى تتجسد في (ود البيه) يجب ان تكون في الهلال.
· هذه الاسماء نتحدث عنها – لأن الستار كشف عنها ...والتسجيلات تبقى لها اسبوعين.
· احسموا من بدري.
· وما تفرطوا في اللحظات الاخيرة.
· طبعا في كلام عن مجزرة شطب في الهلال – والناس ديل نسوا ان الهلال الآن كشفه ناقص...وفوق هذا فان الاتحاد رفع عدد اللاعبين الى (30) لاعبا ...وكل هذه الاسماء التى تحدثنا عنها يمكن ان تلعب تحت 23 سنة وتحت 21 سنة يعني ما بخسروا الهلال حتى (خانة).
· علما ان الهلال يحتاج للكثير – الهلال في فترة الكاردينال لم يكن يسجل في كل فترة اكثر من لاعب او اتنين.
· نحن عاوزين تسجيلات جد !!
· خطوط الهلال من حراسة المرمى وحتى رأس الحربة عاوزة مراجعات شاملة.
· بالتأكيد هناك اسماء في الهلال اثبتت وجودها وسوف تستمر وهي محتاجة للدعم والإضافة.
· وهناك اسماء يمكن اعارتها.
· وهناك من يمكن الاستغناء عنه بصورة نهائية.
· كل هذه الاشياء يخضعها مجلس الهلال للدراسة و البحث.
· الناس ديل ما في خوف عليهم.
· قاعدين يسألوا ويبحثوا ويعقدوا مع أي زول.
· اخص بذلك الطاهر يونس نائب الرئيس والذي يسمع لكل الناس ويبحث في كل الدروب.
· الفاتح النقر وكندورة وبشه الكبير وعدد كبير من لاعبي الهلال يشاورهم المجلس ويراجع معهم كل الخطوات التى يقوم بها.
· وهشام السوباط بدفع من طرف.
· ولا بتلفت.
· ما تسمعوا حكاية مجزرة شطب ..الموضوع يتم بكل مؤسسية ومهنية واحترافية.
· ارجعوا لبداية العمود...عشان تعرفوا الحاصل.
· والله بعد كدا الواحد ما فاضل ليكم إلّا يقول ليكم الهلال عاوز يجيب بكري المدينة.
· بكري المدينة نعمل بيه شنو مع (الزحمة) دي.
· ...........
متاريس
· الكنج قال عندو مفاجأة.
· والكوارتي قال عندو مفاجأة.
· وصلاح ادريس ذاتو قالوا قال عندو مفاجأة.
· والله انتوا بالمفاجآت دي يوم بتكتلوا ليكم مريخابي.
· المريخاب ديل ما عندهم حيل للمفاجآت دي.
· الناس ديل (وهـ) ساكت الايامات دي ممكن تجيب خبرهم.
· قاعدين على الهبشة.
· .............
· ترس اخير : قالوا ناس المريخ بفتشوا ليهم لي (سوباط) يطلع بيهم من الحفرة دي.
*محمد عبدالماجد*
*جني وجن (العريس) البيجي قبل (الفنان) للحفلة!!*
· جني وجن (اللخبطة) البتحصل قبل (الحدث).
· اشرح ليكم الموضوع.
· انتوا لو بتصبروا – ما في حاجة بتفوتكم.
· جني وجن (البارد) البيجيبوه في المناسبات قبل (العشاء).
· طبعا في الحتة دي في حاجة بتغيظ – وقت يجيبوا ليك (البارد) في زول بتبرع ليك ويقول ليك يا زول خلي (البارد) معاك – اضمن (البارد) اولا – (العشاء) ماشي عليك.
· تقوم تمسك (البارد) – ناس المناسبة يفتكروا (غلط)....يفتكروا انك (اتعشيت) – لأن (البارد) من الطبيعي ان يكون بعد العشاء.
· عشان كدا اوعك تتمقلب وتستلم (البارد) قبل (كوكتيل) العشاء.
· الخبرة دي مهمة في أي حاجة.
· بالمناسبة الكلام البقول ليكم فيه دا – عندو علاقة بالتسجيلات.
· لكن بجيب ليكم الكلام من فوق لي فوق.
· عشان ما اغلط.
· واقع في الكلام.
· افهموها براكم.
· جني وجن (العروس والعريس) البيصلوا للصالة قبل (الفنان).
· الاستعجال في الحتة دي ما كويس.
· أي حاجة لازم تكون بي نظام.
· واي شيء تأخد راحتها ووضعها.
· عاجبني البعملوا فيه ناس الهلال الآن.
· بعد ما قنعنا من (التخطيط) ، وفترنا من (التخبط) – الله قسم لينا (لجنة تطبيع ) شغالة في كل الاتجاهات بي نظام وتخطيط ودراسة.
· الناس ديل حسموا امر المحترف الزمبابوي (جيسي لاست) من بدري ...جابوه وعملوا ليه الكشف الطبي واتفقوا معاه ووقعوا معه عقد.
· صلاح نمر لمن شاف جيسي لاست بقى يشكي من (الركبة).
· يل صلاح نمر الكلام دا بدري عليه.
· الله يسألني زمان روحنا لمن تطلع عشان الهلال يوقع ليه مع لاعب.
· الكلام دا ما في عهد الكاردينال براهو.
· الكلام دا في عهد صلاح ادريس برضو.
· زمن صلاح ادريس اللاعب المحترف لو وصل ...تقعد تنتظر (كرتو) و (21) يوم.
· ومرات يصل الوكيل وما يصل اللاعب.
· ومرات يصل اللاعب وما يصل الوكيل.
· ومرات يصلوا اللاعب والوكيل والكرت ما يصل.
· ومرات يصل (العفش) وتقعد السنة كلها في انتظار اللاعب.
· الطيارة فاتتو.
· وجوازو انتهى.
· غايتو صلاح ادريس في الحتة دي اتحاسب بينا جنس محاسبة.
· اصلو ما بنسى الهلال وقت سجل (سادومبا).
· صلاح ادريس ادانا السهر.
· بتذكر كنا في الاستاد بنحضر في مباراة للهلال – بين الشوطين اعلنوا لينا من داخل الاستاد عن وصول (كرت) سادومبا.
· والله الاستاد دا كلو قام.
· الكشافات قعد تضحك براها.
· والله كانت ايام.
· وبتذكر يوم سجل الهلال اللاعب (الفلتة) صالح عبدالله.
· الارباب قلب الهوبة في الحتة دي – جابوا لينا صالح عبدالله (نص الليل) في مباني الاتحاد في شارع البلدية.
· الوقت داك – الناس كلها كانت في شارع البلدية.
· صلاح ادريس سجل صاح – لكن برضو كان بيحرق (اعصابنا).
· افياني النيجيري جابوه لينا في (ضلمة) – مسابقين بيه الزمن – اتسجل في اخر لحظة في التسجيلات.
· في فترة الكاردينال شفنا السهر الجد.
· اعصابنا ما فضل فيها شيء.
· تتخيلوا عبدالرؤوف دا اتسجل في التسجيلات الماضية في اخر (40) ثانية – لمن مزمل ابوالقاسم طلع وقال عبدالرؤوف اتسجل بعد الزمن ما انتهى.
· مزمل ابوالقاسم كأنو ما عارف (السيستم) بقى يقفل تلقائيا وقت الزمن ينتهي.
· الكاردينال اتحاسب بينا في (التسجيلات).
· اللاعب لو ما سل روحك ما بسجلو ليك.
· جنس (جرجرة).
· و(تلتلة).
· والله نحن لو ما كان عندنا (صبر) – ما كنا ذاتو قعدنا لغاية الآن.
· كان شفنا لينا بلد.
· الكاردينال كان بنتظر اخر يوم في التسجيلات عشان يكلفت (العملية) ويسجل من طرف ، وما في زول يقول ليه شيء.
· في عهد الكاردينال جونا كترة (محترفين).
· شيء بالكوتة.
· وشيء بالرصة.
· وكلهم ما شفنا ليهم شيء.
· لكن زي ما ذكرنا (اشرقات) لا تنسى لصلاح ادريس في التسجيلات – برضو كانت في اشراقات جميلة للكاردينال في التسجيلات.
· يعني موضوع (شيبوب) وتسجيله في الهلال الكاردينال قلب فيه الهوبة.
· تسجيل جمال سالم في الهلال كان ضربة معلم من الكاردينال.
· تسجيل (فارس) خطط ليه الكاردينال بمعلمة كدا.
· الحاجات الكويسة ما بننساها.
· سوف تظل وتبقى.
· هسع لجنة تطبيع الهلال شغالة صاح – ان شاءالله تكتمل الخطوات وتنجح بالصورة التى ينتظرها الاهلة.
· الجماعة ديل حسموا موضوع جيسي لاست من بدري – والله انا حسب رؤيتي لهذا اللاعب ما عارف ذاتو كيف فرطت الاندية الافريقية الكبيرة في هذا اللاعب.
· الناس ديل ما بشوفوا.
· غايتو اللاعب الذي شاهدناه امام الهلال عندما لعب الازرق امام بلاتنيوم لاعب ممكن يلعب في اوروبا.
· والله أنا لغاية الآن ما مصدق.
· وبقول يمكن دا (شبه) ساكت.
· الحمدلله العميلة تمت بنجاح كبير.
· موضوع المدرب الصربي البرتغالي مجلس الهلال حسمه بصورة ادهشت (المغاربة) ذاتهم.
· المغاربة في رقبتهم قعدوا يتلفتوا.
· ما فهموا أي حاجة.
· من بدري بدري.
· مجلس الهلال يخطط الآن للكثير – اذا حسم الهلال موضوع رزاق سيسيه لاعب الزمالك يكون عمل حاجة ما في زول سبقه عليها.
· سيسيه دي حكاية كمان.
· والله الزول دا يجي الهلال - موسم والتاني تشوفوه في برشلونة.
· ما تقعدوا تستغربوا.
· انتوا ما شفتوا (اوتارا) كان على بعد خطوة من برشلونة.
· التسجيلات (المحلية) نتمنى ان ينجح فيها المجلس.
· لا نريد ان نتحدث عن اسماء – لأن كل الاسماء المطروحة والتى يرغب الهلال في تسجيلها ما فيها كلام.
· ركزوا لينا على (المواهب).
· وعلى الاولاد الصغار في السن.
· هناك اسماء اعلن عن رغبة الهلال في التعاقد معها.
· من هذه الاسماء لاعب هلال الابيض احمد ابراهيم (وضاح) وهو لاعب صغير السن (21) سنة واطول مدافع في الدوري.
· مثل هذا اللاعب يحتاج له الهلال بشدة.
· الطول سمح.
· الطول هيبة ومطلوب في المدافع.
· وضاح لاعب (منتخب).
· كذلك اتمنى ان يتعاقد الهلال مع مدافع الامل احمد موسي (تمبش) وهو مدافع بيلعب بعقله ...ويمتلك لمهارات صانع الالعاب ما عندو.
· تمبش ووضاح في دفاع الهلال سوف يشكلوا (خلطة) عجيبة بين القوة والمهارة ...والطول والجسارة.
· لاعب هلال الساحل (ارنق) كل من شاهده قال ان الهلال على موعد مع مدافع سوف يلعب في الدوريات الاوربية.
· غايتو السنة دي نحن بنكتل لينا زول.
· طبعا بشكل خاص اتمني والي الدين خضر (بوجبا) وياسر مزمل في الهلال وان شاءالله صلاح ارريس ومجلس ادارة (النمور) ما يقفوا عقبة امام الهلال في الحصول على بوجبا ومزمل.
· هناك لاعب اخر اتمنى ان يسعى الهلال اليه بشكل اكثر جدية وهو لاعب الخرطوم الوطني عزام عادل (ود البيه).
· الهلال فيه نقص في (القدم الشمال)...ود البيه لاعب صغير في السن ومستقبل مشرق للهلال الآن ولاحقا.
· مثل هذه الموهبة التى تتجسد في (ود البيه) يجب ان تكون في الهلال.
· هذه الاسماء نتحدث عنها – لأن الستار كشف عنها ...والتسجيلات تبقى لها اسبوعين.
· احسموا من بدري.
· وما تفرطوا في اللحظات الاخيرة.
· طبعا في كلام عن مجزرة شطب في الهلال – والناس ديل نسوا ان الهلال الآن كشفه ناقص...وفوق هذا فان الاتحاد رفع عدد اللاعبين الى (30) لاعبا ...وكل هذه الاسماء التى تحدثنا عنها يمكن ان تلعب تحت 23 سنة وتحت 21 سنة يعني ما بخسروا الهلال حتى (خانة).
· علما ان الهلال يحتاج للكثير – الهلال في فترة الكاردينال لم يكن يسجل في كل فترة اكثر من لاعب او اتنين.
· نحن عاوزين تسجيلات جد !!
· خطوط الهلال من حراسة المرمى وحتى رأس الحربة عاوزة مراجعات شاملة.
· بالتأكيد هناك اسماء في الهلال اثبتت وجودها وسوف تستمر وهي محتاجة للدعم والإضافة.
· وهناك اسماء يمكن اعارتها.
· وهناك من يمكن الاستغناء عنه بصورة نهائية.
· كل هذه الاشياء يخضعها مجلس الهلال للدراسة و البحث.
· الناس ديل ما في خوف عليهم.
· قاعدين يسألوا ويبحثوا ويعقدوا مع أي زول.
· اخص بذلك الطاهر يونس نائب الرئيس والذي يسمع لكل الناس ويبحث في كل الدروب.
· الفاتح النقر وكندورة وبشه الكبير وعدد كبير من لاعبي الهلال يشاورهم المجلس ويراجع معهم كل الخطوات التى يقوم بها.
· وهشام السوباط بدفع من طرف.
· ولا بتلفت.
· ما تسمعوا حكاية مجزرة شطب ..الموضوع يتم بكل مؤسسية ومهنية واحترافية.
· ارجعوا لبداية العمود...عشان تعرفوا الحاصل.
· والله بعد كدا الواحد ما فاضل ليكم إلّا يقول ليكم الهلال عاوز يجيب بكري المدينة.
· بكري المدينة نعمل بيه شنو مع (الزحمة) دي.
· ...........
متاريس
· الكنج قال عندو مفاجأة.
· والكوارتي قال عندو مفاجأة.
· وصلاح ادريس ذاتو قالوا قال عندو مفاجأة.
· والله انتوا بالمفاجآت دي يوم بتكتلوا ليكم مريخابي.
· المريخاب ديل ما عندهم حيل للمفاجآت دي.
· الناس ديل (وهـ) ساكت الايامات دي ممكن تجيب خبرهم.
· قاعدين على الهبشة.
· .............
· ترس اخير : قالوا ناس المريخ بفتشوا ليهم لي (سوباط) يطلع بيهم من الحفرة دي.
