ومنديال في بيت الوالي من اجل النادي
فرنسا تفتتح امم اوربا بكرنفال بسيط وتدشن يورو ٢٠١٦
البساطه والمتعه تجذب جماهير الوطني العربي
بس نحن كجمهور المريخ كان افتتاحنا غير ومختلف لمجلس الخير
فرنسا بسطوها
ومجلس الوالي دشنوها
نفره في ساعة من الزمن جابت ثلاثة مليار
يعني الكرنفالات عندنا وفي فرنسا
ربنا يزيد ويبارك ،،،
مجلسنا كان في مقصوره الوالي
والاتحاد الاوربي كان في مقصورة فرنسا ،،،
فرنسا استضافات كاس امم اوربا
ومنزل الوالي استضاف ضربة البداية،،،،
ونفرة القروبات حتمثل الكرنفال القادم
نفرتنا حتكون مونديال عديل
بس نقول يالطيف ونكشكش جيوبنا،،،،،
باكر في لقاء المشرفين في النادي
علي جميع المشرفين الحضور الا المتواجدين في الولايات والخارج
كل مشرف حضورك غدا يمثل ضربة بداية القروبات الحقيقة وتغنين العمل الجماعي الصاااااااح
غدا نادي المريخ
الساعة العاشرة مساء
تعال عشان شعارنا واحد بس
لن ندعك تدفع وحدك
# مسك الختام
نفرة قروبات تدعم الزعيم في كل الاوقات
انا وانت وهي وهو كلنا حندعم المريخ
لاتدع شرف البناء يتخطاك
جنية وجنية بتعمل مية
لو عايز راحة البال ساعد في بناء الكيان
ونحن علي المدرج ندعم ونشجع ونتفرج
وطالما مافي مباريات
حنركز علي دعم القروبات
يامشرفين الخير باسط في القروبات
الحول جنيه والحول عشره
كلو من اجل الكيان
وناس الخمسين والميه والخمسمية
يوم شكركم مايجي
انتو الذاد في الميعاد
مريخاب الخارج المرة دي حوبتكم ليها طعم خااااص
كشك جيبك عشان المريخ مالوش غيرك
سارع وسجل اسم القروب في قائمة الشرف والدعم
للانضمام
0918381874 بابكر الزاكي
0918945005 الشريف ابوأبئ
0916678462 المك 0096594733409 ودعجيب
0918209376 اسامة حسب الدائم
# همسة اخيرة
عالم الرياضة ورضا وعلامة الاستفهام ؟؟؟؟
معقولة بس يارضا وقت الخلافات مستضيف الوزير ومخصص للخلاف مساحة
ووقت تعيين التسيير مافي حتة خبر انشاء الله عشرين ثانيه!!!!
اللجنة مالها ماعاجبك ولا وقت الخلاف كانت مادة دسمة قضية المريخ!!!!
ولا الحلقة مسجله من قبل رمضان
هفوات البرنامج كترت مع المريخ الكيان!!!!
التلفزيون تلفزيون دولة
والمريخ نادي دولة
دي رسالتنا فقط!!!!!!
# خارج النص
شكرا اللجنة يكون من اول قرارتكم صحيفة المريخ
النشوف تاني العناوين حتكون خارج السرب ايضا!!!!
كل التوفيق لكل شخص في اللجنة تم تكليفه بمهمة
نتمنى عدم تقاطع الاختصاصات
كل زول يمسك الملف البطرفوا تاني ماتجينا عوجة،،،
منصب الناطق الرسمي هو الزبده
لاذم يكون هو خط الدفاع الاول ويملك الحقايق
وياريت تكون في قصاصة يومية تشرح الوضع للجماهير
عشان سوق الشتل يبوووووور
لاتهملوا منصب الناطق الرسمي بلسان المجلس وخطاباتكم لاذم تصدر من خلاله وحتي لقاءتكم التلفزيونية تتم عبر المكتب الاعلامي للنادي
الايام الجاية ستشهد تعاون مع نجمنا بيكو
وستكون هناك تغريدة شعرية برعاية اخونا بيكو ترقبوها في التغريدة
تعاون مثمر باذن الله
وخطوة في بناء المريخ الكيان
# تغريدة طبية
اذا كنت مريضا بالسكري
تناول الجوافة لاحتوائها علي
عضوي يزيد من كمية الانسولين
مع ضروره تناول التفاح والجوافة من غير تقشير لاحتواء القشرة علي نسبة عالية من الالياف
وربنا ينعم علي الجميع بالصحة والعافية
# تغريدة مرورية
وراء كل حادث مخالفة مرورية
والموبايل يشكل نسبة كبيرة من الحوادث المرورية
اصل واتصل
اتصالك مهم لكن حياتك اهم
لاتسرع فالموت اسرع
الطريق ملك للجميع فلاتفتكر انه ملكك وحدك وتقعد تشتم في خلق الله،،،
الصيام يحتاج الي التركيز في الطريق
قيادتك بامان والتزامك بالتوجيهات المرورية حزام امان لك ولغيرك
لاتسرع فالموت اسرع،،،،،،،،
لاتسجل اسمك في قائمة الوفيات بتهور واستعجال وعدم ثبات
كل السرعة توصلك الي دارك الي السرعة القاتلة،،،،،
هذه اراء التغريدة اقبل منها ماتشاء وارفض منها ماشئت..
التغريدة تنقل نبض المدرج والقروبات وتقف في مسافة واحدة من الاحداث ،،،،،
نحاول ان نلفت الانتباه لبعض الاحداث والنقاط بواقعية........
التغريدة لن تخرج خارج نطاق المجتمع المريخي نهائيا الا ماندر
نقد الذات يوصلنا الي الامام والي المنصات باذن الله ،،،،،
ادعمونا بالنصح والارشاد وصححونا إن اخطاءنا في يوم من الايام،،،،،،،،
====================
